ରୋଟାରି ଏକାମ୍ର କ୍ଷେତ୍ର ଏବଂ ପିଇସିଟି ର ମିଳିତ ଉଦ୍ୟମରେ ବିଶ୍ବ ଦିବ୍ୟାଙ୍ଗ ଦିବସ ପାଳିତ

ଭୁବନେଶ୍ବର: ବିଶ୍ବ ଦିବ୍ୟାଙ୍ଗ ଦିବସ ଅବସରରେ ରୋଟାରି କ୍ଲବ ଭୁବନେଶ୍ବର ଏକାମ୍ର କ୍ଷେତ୍ର ଓ ପିଇସିଟିର ସହଯୋଗରେ ବିଶ୍ବ ଦିବ୍ୟାଙ୍ଗ ଦିବସ ପାଳିତ ହୋଇ ଯାଇଛି।ଏହି ଅବସରରେ ଦିବ୍ୟାଙ୍ଗ ଆଦର୍ଶ ଟ୍ରଷ୍ଟର ସଭାପତି ମନୋରଞ୍ଜନ ସାହୁ ଏବଂ ନୀଳାଞ୍ଚଳ ଦିବ୍ୟାଙ୍ଗ ଅନୁଷ୍ଠାନର 30ଜଣ ଅନ୍ତେବାସୀ ଙ୍କୁ ନେଇ ଏକ ଭଜନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।ସମସ୍ତ ସଭ୍ଯ ମାନଙ୍କୁ ଧଳା ବାଡ଼ି ପ୍ରଦାନ କରାଯିବା ସଙ୍ଗେ ସଙ୍ଗେ ମଧ୍ଯାହ୍ନ ଭୋଜନରେ ଆପ୍ଯାୟିତ କରାଯାଇଥିଲା।ଶେଷରେ ସେମାନଙ୍କର ଆବଶ୍ୟକତା ଅନୁସାରେ ନୂତନ ଏବଂ ପୁରାତନ ବସ୍ତ୍ର ଏବଂ ଘରୋଇ ଉପକରଣ ପ୍ରଦାନ କରାଯାଇଥିଲା।କାର୍ଯ୍ୟକ୍ରମରେ କ୍ଲବର ସଭାପତି ମଧୁଛନ୍ଦା ବଳ ସଭାପତିତ୍ଵ କରିଥିଲେ।ଏହି କାର୍ଯ୍ୟକ୍ରମରେ କ୍ଲବର ସମ୍ପାଦକ ସଂଜୟ ଦାସ, ପ୍ରାକ୍ତନ ସଭାପତି ପ୍ରଫେସର ରାଜଲକ୍ଷ୍ମୀ ମହାପାତ୍ର, ସରୋଜ ଲକ୍ଷ୍ମୀ ପଟ୍ଟନାୟକ, ରେଖା ଦାସ, ବନଜା ବେହେରା ଯୋଗଦାନ କରି କାର୍ଯ୍ୟକ୍ରମ ପରିଚାଳନାରେ ସହାୟତା ପ୍ରଦାନ କରିଥିଲେ।ଶେଷରେ ପିଇସିଟିର ଅଧ୍ୟକ୍ଷା ତପସ୍ୱିନୀ ପଣ୍ଡା ଧନ୍ୟବାଦ ଅର୍ପଣ କରିଥିଲେ। କାର୍ଯ୍ୟକ୍ରମରେ ଉପସ୍ଥିତ ଜନସାଧାରଣ ଏହି କାର୍ଯ୍ୟକ୍ରମକୁ ଭୂୟସୀ ପ୍ରଶଂସା କରିଥିଲେ।