ମନୋରଞ୍ଜନ ମାଧ୍ୟମରେ ଶିକ୍ଷାଦାନ ବ୍ୟବସ୍ଥା ଜୀବନର ଏକ ଦୃଢ଼ ଭିତ୍ତିଭୂମି ତିଆରି କରିଥାଏ

ଭୁବନେଶ୍ୱର : କିଡ଼ସ ଆଙ୍ଗନ ପ୍ଲେ ସ୍କୁଲର ବାର୍ଷିକ ଉତ୍ସବ ‘ଅନମୋଲ ରତନ’ ଆଜି ସନ୍ଧ୍ୟା ସମୟରେ ବରମୁଣ୍ଡା ୟୁପି ସ୍କୁଲ ଗ୍ରାଉଣ୍ଡ ଠାରେ ପାଳନ କରାଯାଇଅଛି |

ଏହି କାର୍ଯ୍ୟକ୍ରମରେ ଇନର ହ୍ୱିଲ କ୍ଲବର ଡିଷ୍ଟ୍ରିକ୍ଟ ଚେୟାରମ୍ୟାନ ଶ୍ରୀମତୀ ସନ୍ଧ୍ୟାରାଣୀ ମିଶ୍ର ମୁଖ୍ୟ ଅତିଥି ଭାବେ ଯୋଗ ଦେଇ ପ୍ରଦ୍ୱୀପ ପ୍ରଜ୍ୱଳନ ପୂର୍ବକ ଆନୁଷ୍ଠାନିକ ଭାବେ ଉତ୍ସବକୁ ଉଦଘାଟନ କରିଥିଲେ | ମୁଖ୍ୟ ଅତିଥି ଶ୍ରୀମତୀ ମିଶ୍ର ତାଙ୍କ ଅବିଭାଷଣରେ କହିଥିଲେ କି, ପିଲା ମାନେ ହେଉଛନ୍ତି ଆସନ୍ତା କାଲିର ଦେଶର ଭବିଷ୍ୟତ | ଆଉ ଏହି କୁନି କୁନି ପିଲାମାନଙ୍କ ଉଜ୍ଜଳ ଭବିଷ୍ୟତର ମୂଳଦୁଆ ପଡୁଥିବା ପ୍ଲେ ସ୍କୁଲ ହିଁ ତାଙ୍କର ଜୀବନର ଏକ ଦୃଢ଼ ଭିତ୍ତିଭୂମି ତିଆରି କରିଥାଏ | ଖେଳକୁଦ ଓ ମନୋରଞ୍ଜନ ମାଧ୍ୟମରେ ଶିକ୍ଷାଦାନ ବ୍ୟବସ୍ଥା ସେମାନଙ୍କ ମନରେ ,ନିଷ୍ଠାପର ଭାବେ ଜୀଵନକୁ ଗଢିବାରେ ଆଗ୍ରହର ସୂତ୍ରପାତ କରାଇଥାଏ |

ମୁଖ୍ୟବକ୍ତା ଭାବେ ବିଜେବି ସ୍ବୟଂଶାସିତ ମହାବିଦ୍ୟାଳୟର ଅବସରପ୍ରାପ୍ତ ଉପାଧ୍ୟକ୍ଷ ଶ୍ରୀଯୁକ୍ତ ଇନ୍ଦୁ ଭୂଷଣ ମହାନ୍ତି ଯୋଗ ଦେଇ କହିଥିଲେ କି, ଏଭଳି ପ୍ରତିଭା ପ୍ରଦର୍ଶନର ସୁଯୋଗ ଥାଇ ଯଦି ପିଲାଟିଏ ତାର ପାଠପଢା ଆରମ୍ଭ କରିବ ତେବେ ତାର ସୃଜନଶୀଳତା ନିଶ୍ଚିତ ବହୁ ଗୁଣରେ ବୃଦ୍ଧି ପାଇବ | ଏହି ମାନେ ହେଉଛନ୍ତି ମାତୃଭୁମିର ଅମୁଲ୍ୟ ରତ୍ନ |
ଅନ୍ୟମାନଙ୍କ ମଧ୍ୟରେ ସମ୍ମାନିତ ଅତିଥି ଭାବେ ଶ୍ରୀଯୁକ୍ତ ରାମଚନ୍ଦ୍ର ରଣସିଂହ ଏବଂ ଶ୍ରୀଯୁକ୍ତ ବିଜୟ କୁମାର ସ୍ୱାଇଁ ଉପସ୍ଥିତ ଥିଲେ | ସ୍ୱତନ୍ତ୍ର ନିମନ୍ତ୍ରିତ ଅତିଥି ଭାବେ ଡିଜିଟାଲ ଜଗତରେ ପିଲାମାନଙ୍କ ମନୋରଞ୍ଜନର ପ୍ରଥମ ପସନ୍ଦ ଭାବେ ପରିଚିତ ଲାଭ କରିଥିବା ନଟିଆ କମେଡିର ଟିମ ଉପସ୍ଥିତ ଦର୍ଶକ ମାନଙ୍କ ପାଇଁ ବିଶେଷ ଆକର୍ଷଣ ଥିଲା |

ବାର୍ଷିକ ଉତ୍ସବ ‘ଅନମୋଲ ରତନ’ରେ କୁନି କୁନି ପିଲାମାନେ ନୃତ୍ୟ, ସଂଗୀତ ଏବଂ କଳାରେ ତାଙ୍କର ପ୍ରତିଭା ପ୍ରଦର୍ଶନ କରାଇଥିଲେ | ତା ସହ ଅବିଭାବକ ମାନେ ମଧ୍ୟ ଆକର୍ଷଣୀୟ ସାଂସ୍କୃତିକ କାର୍ଯ୍ୟକ୍ରମରେ ଅଂଶଗ୍ରହଣ କରିଥିଲେ |

କିଡ଼ସ ଆଙ୍ଗନ ପ୍ଲେ ସ୍କୁଲର ପ୍ରିନ୍ସିପାଲ ଲଷ୍ମୀପ୍ରିୟା ସାହୁଙ୍କ ପ୍ରତ୍ୟକ୍ଷ ତତ୍ୱାବଧାନରେ କାର୍ଯ୍ୟକ୍ରମ ସୁଚାରୁରୂପେ ପରିଚାଳନା ହୋଇଥିଲା |