ଛାତ୍ର ଛାତ୍ରୀ ମାନଙ୍କ ସୁବିଧା ପାଇଁ ପ୍ରଶାନ୍ତି ଏଜୁକେସନଲ ଆଣ୍ଡ ଚାରିଟେବୁଲ ଟ୍ରଷ୍ଟ ପକ୍ଷରୁ ଦଶ ସେଟ୍ ଡେସ୍କ, ବେଞ୍ଚ୍ ପ୍ରଦାନ

ଭୁବନେଶ୍ୱର: ସ୍ଥାନୀୟ ଆଇ.ଆର୍.ସି ଭିଲେଜ ସ୍ଥିତ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟରେ ଆଜି ପ୍ରଶାନ୍ତି ଏଜୁକେସନଲ ଆଣ୍ଡ ଚାରିଟେବୁଲ ଟ୍ରଷ୍ଟ ଦ୍ଵାରା ଛାତ୍ରଛାତ୍ରୀଙ୍କ ସୁବିଧା ପାଇଁ ଦଶ ସେଟ୍ ଡେସ୍କ ଏବଂ ବେଞ୍ଚ୍ ପ୍ରଦାନ କରାଯାଇଥିଲା। ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ବିଶିଷ୍ଟ ବୈଜ୍ଞାନିକ ଡ଼ ଚିତ୍ତରଞ୍ଜନ ମିଶ୍ର ଯୋଗଦେଇ ପିଲାମାନଙ୍କୁ ବିଭିନ୍ନ ଉପଦେଶ ଦେବା ସହ ସେମାନଙ୍କ ସହ ଭାବବିନିମୟ କରିଥିଲେ | ତା ସହ ପ୍ରଶାନ୍ତି ଏଜୁକେସନଲ ଆଣ୍ଡ ଚାରିଟେବୁଲ ଟ୍ରଷ୍ଟକୁ ଏହାର ଶିକ୍ଷା ପାଇଁ ସହଯୋଗ କାମ ପାଇଁ ପ୍ରଶଂସା କରିଥିଲେ | ଅନ୍ୟମାନଙ୍କ ମଧ୍ୟରେ ପି.ଇ.ସି.ଟି ଉପଦେଷ୍ଟା ରେଖା ଦାସ୍, ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ରତ୍ନ ମଞ୍ଜରୀ ଦାଶ, ଶିକ୍ଷୟତ୍ରୀ ନିର୍ମଳା ପାଟ୍ଟଶାଣୀ ଏବଂ ଛାତ୍ର ଛାତ୍ରୀ ମାନେ ଉପସ୍ଥିତ ଥିଲେ। ଏହି କାର୍ଯ୍ୟକ୍ରମରେ ଅନୁଷ୍ଠାନର ଅଧ୍ୟକ୍ଷା ତପସ୍ଵିନୀ ପଣ୍ଡା କହିଥିଲେ ସାମାଜିକ ସଂଗଠନ ମାନେ ଶିକ୍ଷାକୁ ଗୁରୁତ୍ଵ ଦେଇ ସମସ୍ତେ କିଛିନା କିଛି ସହଯୋଗ କରିବା ସହ ନିଜ ଅଞ୍ଚଳର ବିଦ୍ୟାଳୟର ଉନ୍ନତି ପାଇଁ କାମ କଲେ ଛାତ୍ର ଛାତ୍ରୀଙ୍କ ସବୁ ସମସ୍ୟା ଦୁର ହୋଇପାରିବ । ପି.ଇ.ସି.ଟି ଉପଦେଷ୍ଟା ରେଖା ଦାସ କାର୍ଯ୍ୟକ୍ରମ ପରିଚାଳନା କରିଥିଲେ |