ବନ୍ୟାରେ ବୁଡ଼ିଲା ମା ଭଟ୍ଟାରିକାଙ୍କ ମନ୍ଦିର; ପ୍ରାଙ୍ଗଣରେ ୧୪୪ ଧାରା ଜାରି

କଟକ: ରାଜ୍ୟର ପ୍ରସିଦ୍ଧ ଦେବୀ ପୀଠ ଭଟ୍ଟାରିକାରେ ସ୍ଥାନୀୟ ପ୍ରଶାସନ ଦ୍ୱାରା ୧୪୪ ଧାରା ଜାରି ହୋଇଛି । ଅତିରିକ୍ତ ତହସିଲଦାର ତପନ କୁମାର ପରିଡ଼ା ଭଟ୍ଟାରିକା ମନ୍ଦିର ପରିସରରେ ୧୪୪ ଧାରା ଜାରି କରିଛନ୍ତି । ମହାନଦୀରେ ବନ୍ୟା ଆସିବାରୁ, ଏହାର କୂଳରେ ଅବସ୍ଥିତ ଭଟ୍ଟାରିକା ମନ୍ଦିର ଜଳମଗ୍ନ ହୋଇଯାଇଛି ।

ମନ୍ଦିରରେ ଜମିଥିବା ପାଣି ଏବଂ ଅଧା ବୁଡ଼ା ଦେବୀଙ୍କୁ ଦେଖିବା ପାଇଁ ସେଠାରେ ଭିଡ଼ ଜମୁଥିଲା । ଲୋକଙ୍କ ସୁରକ୍ଷାକୁ ଦୃଷ୍ଟିରେ ରଖି ପ୍ରଶାସନ ସେଠାରେ ୧୪୪ ଧାରା ଜାରି କରିଛି । ଯାହା ଫଳରେ ସେଠାରେ ଲୋକଙ୍କ ଏକତ୍ରିକରଣ ଉପରେ ପ୍ରତିବନ୍ଧକ ଲାଗିଛି ଏବଂ ମନ୍ଦିର ପ୍ରାଙ୍ଗଣ ଭିତରକୁ କେହି ପ୍ରବେଶ କରିପାରିବେନି ।